Project Egypt - 始動篇

今年同老婆既年度大旅行目標係埃及，原因有三......

- 本來想去多次日本立山黑部 不過Yen太貴......
- 好耐未去過長旅行
- 埃及團幾平

基於以上既原因 我地就決定去埃及 於是開始搜集相關資料
其實係香港搞埃及旅行團既公司有好多 而且行程來來去去都差唔多
問左幾間 都係覺得一向使用既東瀛遊行程好似最好
因為一來佢地十二日團去埋亞歷山大港-現代圖書館既發源地
而且上門問資料既時候 其他旅行社都Sell得唔好
所以係Counter sell團真係好重要

東瀛遊亦指定只係搭新加坡航空 其他旅行社又約旦航空
又瑞士航空 又阿聯酋航空 又卡塔爾航空 又埃及航空
最後都唔知邊間 而且呢D航班轉機時間有D好長
或者轉機機場好悶 反正都係要轉機
選間一定係五星級航空公司 起碼飛個程唔差啦

一向去日本都係跟東瀛遊 而且都有幾好既經驗
不過未跟佢地離開過日本 都係一次嘗試

終於我地選定左一個三月廿六日出發既十二日團
而且係二月六日報名 成為該團第一二名團員